"Реал" Бразилияда ўсиб келаётган 16 ёшли иқтидор эгаси - Эндрик учун курашда ғалаба қозониш ниятида.
Бразилиянинг “Палмейрас” ҳужумчисини узоқ вақтдан бери Европанинг топ-клублари кузатиб келишмоқда, бироқ ёзда ёш иқтидор эгаси ўзининг клуби билан шартномасини 2025 йилгача узайтиришга қарор қилди. Бироқ, бу потенциал харидорларни тўхтата олмади: "Барселона" ҳали ҳам футболчини сотиб олишни режалаштирмоқда, аммо Marca нашри хабарига кўра, "Реал"га шартномани якунлаш осонроқ бўлади, чунки Эндрик Винисиус Жуниорнинг агенти билан бирга ишлайди. “Қаймоқранглилар” раҳбарияти “Барселона”нинг қизиқишидан хабардор, аммо бу масалада хотиржамликни сақлаб турибди.
Transfermarkt портали Эндрикнинг трансфер нархини 15 миллион еврога баҳоламоқда.
