"Шеффилд Юнайтед" ярим ҳимоячиси Сандер Берге шу ёзда "Челси"га ўтиши мумкин эди. The Star нашрининг хабар беришича, дедлайн куни "кўклар" норвегиялик футболчини қўлга киритишга ҳаракат қилишган, аммо "Шеффилд Юнайтед" ярим ҳимоячини қўйиб юборишмаган.
Муаммо шундаки, "Челси" футболчини сотиб олиш мажбуриятисиз ижарага олишни режалаштирганди. "Шеффилд Юнайтед" Бергени фақат маълум миқдордаги маблағ эвазига қўйиб юборишга рози бўлди, аммо "Челси"ни бундай шартлар қониқтирмади.
Эслатиб ўтамиз, Берге аввалроқ "Ливерпуль" қизиқишлари доирасида эди. Футболчининг ўзи яқинда бир неча йил олдин Юрген Клопп жамоасига ўтиши мумкинлигини тан олди.
