Бугун – 5 июль санасида Тошкентнинг «Ардус» клуби Кувайтда Қатарнинг «Ал-Райян» жамоасини синовдан ўтказади.
Ҳозирга қадар бўлиб ўтган футзал клублари ўртасидаги Осиё чемпионатининг иккитасида Ўзбекистон чемпионлари муваффақиятсиз иштирок этиб, бирорта ҳам ғалабани қўлга кирита олишмаган. Дастлабки мавсумда «Строитель-Зарафшон» гуруҳда сўнгги ўринни эгаллаган бўлса, кейинги йил «Ардус» зонада сўнгги кўрсаткич қайд этган.
Жорий йилги мавсумни эса Александр Петров бошқарувидаги «Ардус» ажойиб ўтказди. Ўзбекистон чемпиони сифатида қитъа миқёсида мамлакат шарафини ҳимоя қилаётган жамоа дастлаб Тошкентда бўлиб ўтган саралашни 1-ўринда якунлади. Ўтказилган 4та ўйиннинг барчасида зафар қучган «Ардус» юз фоизлик натижа қайд этди. Шу ўринда эслатиш керакки, клубнинг ярим финалдаги рақиби «Ал-Райян» ҳам Тошкентдаги саралашда иштирок этиб, иккинчи ўрин билан чемпионатнинг финал қисмига йўлланма олганди. Саралашда «Ардус»дан 1:9 ҳисобида енгилган қатарликлар, чемпионатнинг финал қисмида «А» гуруҳини 1-ўринда якунлашди.
«Ардус»нинг ўзи эса «ўлим гуруҳи» таърифини олган «В» зонасини 1-ўринда якунлади. Амалдаги Осиё чемпиони – Япониянинг «Нагоя Оушенс» клубини дастлабки турдаёқ маҳф этган Тошкент клуби, турнирнинг илк сенсацион натижасини қайд этганди. Кейинчалик ўзаро ўйиндаги бу устунлик жамоани чемпионлик учун асосий даъвогар бўлган Эрон клубига рақиб бўлишдан қутқариб қолди.
Ярим финалда Эрон ва Япония чемпионлари ўзаро ҳисоб-китоб қилишса, Ўзбекистон чемпиони Қатар етакчисига қарши кураш олиб боради. Қайд этиш керак, мазкур мусобақада дастлабки 3та ўринни қўлга киритган жамоалар келаси йилги мамлакат чемпионлари учун саралашсиз қитъа чемпионатини тақдим этиб беришади.
«А» ГУРУҲИ
1-тур. (01.07)
«Санае Гити» - «Таи Сон Нам» 8:0
«Ярмоук» - «Ал-Райян» 3:5
2-тур. (02.07)
«Ал-Райян» - «Санае Гити» 0:7
«Таи Сон Нам» - «Ярмоук» 0:6
3-тур. (03.07)
«Ярмоук» - «Санае Гити» 1:5
«Таи Сон Нам» - «Ал-Райян» 2:2
|
№ |
ЖАМОАЛАР |
Ў |
Ғ |
Д |
М |
Т-Н |
О |
|
1. |
Санае Гити (Эрон) |
3 |
3 |
0 |
0 |
20:1 |
9 |
|
2. |
Ал-Райян (Қатар) |
3 |
1 |
1 |
1 |
7:12 |
4 |
|
3. |
Ярмоук (Кувайт) |
3 |
1 |
0 |
2 |
10:10 |
3 |
|
4. |
Таи Сон Нам (Вьетнам) |
3 |
0 |
1 |
2 |
2:16 |
1 |
«В» ГУРУҲИ
1-тур. (01.07)
«Ол Спортс» - «Банк Рбак» 3:3
«Ардус» - «Нагоя Оушенс» 4:3
2-тур. (02.07)
«Ол Спортс» - «Ардус» 6:2
«Нагоя Оушенс» - «Банк Рбак» 5:2
3-тур. (03.07)
«Нагоя Оушенс» - «Ол Спортс» 5:2
«Банк Рбак» - «Ардус» 2:9
|
№ |
ЖАМОАЛАР |
Ў |
Ғ |
Д |
М |
Т-Н |
О |
|
1. |
Ардус (Ўзбекистон) |
3 |
2 |
0 |
1 |
15:11 |
6 |
|
2. |
Нагоя Оушенс (Япония) |
3 |
2 |
0 |
1 |
13:8 |
6 |
|
3. |
Ол Спортс (Ливан) |
3 |
1 |
1 |
1 |
11:10 |
4 |
|
4. |
Банк Рбак (Таиланд) |
3 |
0 |
1 |
2 |
7:17 |
1 |
ЯРИМ ФИНАЛ
«Ардус» (Ўзбекистон) - «Ал-Райян» (Қатар)
«Санае Гити» (Эрон) - «Нагоя Оушенс» (Япония)
