Мадриднинг “Реал” клуби Дортмунднинг “Боруссия” клуби ярим ҳимоячиси Жуд Беллингемни 2023 йилнинг ёзида ўз сафига қўшиб олмоқчи, дея хабар беради Marca.
Мадрид клуби ёш инглиз футболчисини 2019 йилнинг ёзида Дортмундга ўтганидан бери кузатиб келмоқда.
Ушбу ёзда "Реал Мадрид" 19 ёшли ярим ҳимоячидан немис клуби билан шартномасини узайтирмасликни сўраган ва келаси йили унинг трансфери бўйича таклиф билан чиқишга тайёрлигини маълум қилганди.
Беллингем "Боруссия" билан шартномани узайтирмади ва бошқа клубларга, хусусан, "Ливерпуль"га ҳам рад жавобини берди.
Жорий мавсумда англиялик футболчи “Боруссия” сафида барча турнирлар доирасида 10 та ўйинда майдонга тушиб, 3 та гол уришга эришди.
