"Вильярреал" ҳимоячиси Пау Торрес ёзги трансфер ойнасида фаолиятини Англия Премьер-лигасида давом эттириши мумкин эди. Футболчига "Челси", "Арсенал" ва "Тоттенхэм" клублари қизиқиш билдиришган, бироқ клублар "Вильярреал" унинг трансфери учун 45 миллион евро тўлаш талаби туфайли испаниялик ҳимоячи билан шартнома имзолашдан бош тортган. Бу ҳақда журналист Фабрицио Романо хабар бермоқда.
25 ёшли Торрес 2014 йилдан буён "Вильярреал"да ўйнаб келмоқда, у шу жамоа тарбияланувчиси. Испаниялик ҳимоячи жорий мавсумда барча турнирларда саккизта ўйинда майдонга тушди. Томонлар ўртасидаги келишув 2024 йилда якунига етади.