"Vilyarreal" himoyachisi Pau Torres yozgi transfer oynasida faoliyatini Angliya Premyer-ligasida davom ettirishi mumkin edi. Futbolchiga "Chelsi", "Arsenal" va "Tottenxem" klublari qiziqish bildirishgan, biroq klublar "Vilyarreal" uning transferi uchun 45 million yevro to‘lash talabi tufayli ispaniyalik himoyachi bilan shartnoma imzolashdan bosh tortgan. Bu haqda jurnalist Fabrisio Romano xabar bermoqda.
25 yoshli Torres 2014 yildan buyon "Vilyarreal"da o‘ynab kelmoqda, u shu jamoa tarbiyalanuvchisi. Ispaniyalik himoyachi joriy mavsumda barcha turnirlarda sakkizta o‘yinda maydonga tushdi. Tomonlar o‘rtasidagi kelishuv 2024 yilda yakuniga yetadi.