А Сериясидаги сўнгги турида "Аталанта"га қарши ўйинда Пауло Дибала кичик жароҳати туфайли майдонга туша олмади. Ҳужумчи барибир Аргентина терма жамоасига йўл олди, аммо Гондурасга қарши ўртоқлик учрашувини ўтказиб юборди.
Olé нашрининг тарқатган хабарига қараганда, Дибала Аргентина терма жамоасининг умумий гуруҳ машғулотларини бошлади. Ҳужумчи Ямайкага қарши ўртоқлик ўйинида иштирок этиши кутилмоқда, бироқ у илк дақиқаларданоқ майдонга тушмайди.
Аргентина ва Ямайка терма жамоалари ўртасидаги ўртоқлик учрашуви сешанбадан чоршанбага ўтар кечаси Нью-Йоркда бўлиб ўтади.
