Бугун "Локомотив" стадионида Ўзбекистон Кубоги 1/8 финал дастлабки учрашуви доирасида "Локомотив" стадионида "Локомотив" клуби Фарғонанинг Нефтчи клубини қабул қилди.

Учрашув мезбонларнинг тезкор ҳужумлари билан бошланди. Майдонда бугун ажойиб ўйин кўрсатган Дилшод Рахматуллаев учрашувда дастлабки голга муаллифлик қилди.Ўнг қанотдан Ислом Иномов ошириб берган тўпни яримҳимоячи ажойиб зарба билан дарвозага жойлаб қўйди - 1:0. Орадан бир неча дақиқа ўтгач Ромик Хачатряннинг рейдидан сўнг Жора Оганесян дарвозабон билан бирга бир вазиятга чиқиб борди, аммо у тепган тўп дарвоза ёнидан ўтиб кетди. Дастлабки бўлимга қўшиб берилган 2 дақиқа ичида ҳисоб ўзгармади.

Иккинчи бўлим яна "Локомотив" биринчи бўлимдаги каби мезбонларнинг тезкор ҳужумлари билан бошланди. Зайниддин Тожиев, Дилшод Жабборов берган зарбаларн дарвозабон маҳорати эвазига бартараф этилди. 57-дақиқадафарғоналиклар тезкор ҳужумга ўтдилар ва Мансур Саидовнинг жаримадан етказиб берган тўпини Ойбек Нурбоев "Локомотив" дарвозасига аниқ йўллади - 1:1.

Ўтказиб юборилган голдан сўнг яна майдон эгалари ташаббусни қўлга олдилар ва бирин кетин ўз омадларини мехмонлар жарима майдонидан қидира бошладилар. 79-дақиқада Хачатрян ўнг қанотдан тўпни нариги қанотдаги Зайниддин Тожиевга ошириб берди, ҳужумчи жарима майдони марказидаги Жора Оганесянни топди. Легионер ярим ҳимоячи дарвозанинг чап бурчагини аниқ нишонга олди - 2:1. Қолган дақиқаларда ҳисоб ўзгармади ва "Локомотив" дастлабки учрашувда 2:1 ҳисобида ғалаба қозонди. Жавоб баҳси 9 июль куни Фарғонада бўлиб ўтади.

"Локомотив" (Тошкент) – "Нефтчи" (Фарғона) 2:1 (1:0)
Голлар: Дилшод Рахматуллаев 14, - 1:0. Ойбек Нурбоев 57, - 1:1. Жора Оганесян 79, - 2:1.

Ҳакамлар: И. Танташев (Бухоро), Р. Самандаров (Навоий), О. Жумаев (Навоий), И. Гармашов (Тошкент).

"Локомотив": Павел Бугало, Ислом Иномов (Шерзод Шарипов, 88), Дилшод Рахматуллаев, Зайниддин Тожиев (Александр Шадрин, 85), Жора Оганесян, Рустам Аъзамов, Ромик Хачатрян, Ислом Тўхтахўжаев, Бобур Юлдашев, Дилшод Жабборов, Элёр Жаҳонов (Садриддин Абдуллаев, 56).

"Нефтчи": Фаррух Турдиалиев, Шукурали Пўлатов, Ойбек Нурбоев, Мансур Саидов, Павел Смоляченко, Анвар Бердиев (Темур Исломов, 90), Сардор Соибов, Сардор Мирзаев, Иқбол Акрамов, Муҳсин Низомиддинов (Фахриддин Холмуродов, 30), Дилёрбек Эрматов.
Назоратчи: Ғ. Каримов (Тошкент).