"Бенфика"нинг аргентиналик ярим ҳимоячиси Энцо Фернандес қишда фаолиятини Англия Премьер-лигасида давом эттириши мумкин.
O Jogo нашри хабарига кўра, 21 ёшли ярим ҳимоячи хизматларига "Ливерпуль" қизиқиш билдирмоқда. "Мерсисайдликлар" қишки трансфер ойнаси вақтида футболчининг трансферини ҳал қилиш ниятида.
Шу билан бирга, Аргентина терма жамоаси футболчисининг ўзи ҳам жорий мавсумни якунлаб, кейин келажаги борасида бир қарорга келмоқчи.
Қайд этилишича, Фернандеснинг шартномасидаги товон пули 120 миллион еврони ташкил қилади. Амалдаги келишув 2027 йилнинг ёзига қадар мўлжалланган.
Энцо Фернандес "Бенфика"га ёзда "Ривер Плейт" клубидан кўчиб ўтганди. У Португалия чемпионатининг еттита учрашувида қатнашиб, битта гол урди ва иккита сариқ карточка олди.
