Матбуот анжуманининг иккинчи қисмида Локомотив клуби бош мураббийи Равшан Муқимов иштирок этди ва журналистларнинг саволларига жавоб қайтарди.

- Учрашувдан кўнглингиз тўлдими? Умуман учрашув ҳақида фикрларингизни билан ўртоқлашсангиз.
- Бу баҳс иккита ўйиндан иборат.Ўйинни ўзингиз кўрдингиз, қийин ўйин бўлди. Нефтчи бу Нефтчи. Биздаям биринчи бўлимда 3-4 вазият бўлди. Иккинчи бўлимда эса бошқа футбол бўлди. Бу кубок бахси. Чиройли ўйин бўлди деб ўйлайман.

- Иккинчи ўйин Фарғонада бўлади. Бу ўйинга тайёргарлик қандай бўлади?
- Жавоб ўйинига бир икки нафар футболчиларимиз тайёр бўлади.

- "Локомотив" ўз уйида "Қизилқум"га учрашувни бой бергандан сўнг жамоа рахбариятида ўзгаришлар бўлди деган хабарлар тарқалди. Бу қанчалик ҳақиқатга яқин?
- Агар расман тасдиқланса бирор ўзгариш албатта расмий сайтимизда чиқади. Бу ўзимизнинг ички муаммоимиз, ҳеч қандай гаплар бўлгани йўқ. Албатта, ўйин бўйича, натижа бўйича савол жавоблар бўлди. Ҳаммаси ўша ҳолида давом этмоқда, ҳеч қандай ўзгаришлар йўқ.

- Бу учрашувдан қай даража қониқдингиз? Легионерларнинг ҳаракатлариданчи?
- 2:1 ютдик, қоникдик албатта. Эртага ўйинни кўриб чиқамиз ва таҳлил қилиб чиқамиз. Мен ҳозир кимнидир ёмон демоқчимасман. Ғалаба қозондик асосийси.