Англия терма жамоаси Миллатлар лигасида Германия билан дуранг ўйнади (3:3).
Охирги 6 та расмий ўйинда британияликлар 3 марта дуранг ўйнаган ва учта мағлубият аламини тотиб кўрган. Миллий терма жамоа сўнгги 29 йилдаги энг ёмон ғалабасиз сериясини такрорлади - 1993 йилнинг апрелидан июнигача жамоа кетма-кет олти учрашувда ғалаба қозона олмаганди.
Opta хабарига кўра, бу Англиянинг йирик халқаро турнир олдидан ғалабасиз давом этган энг узоқ сериясидир.
Англия терма жамоаси 20 ноябрдан 18 декабрга қадар Қатарда бўлиб ўтадиган ЖЧ-2022да иштирок этади. Британияликлар Эрон, АҚШ ва Уэльс билан бирга B гуруҳидан жой олган.