Angliya terma jamoasi Millatlar ligasida Germaniya bilan durang o‘ynadi (3:3).
Oxirgi 6 ta rasmiy o‘yinda britaniyaliklar 3 marta durang o‘ynagan va uchta mag‘lubiyat alamini totib ko‘rgan. Milliy terma jamoa so‘nggi 29 yildagi eng yomon g‘alabasiz seriyasini takrorladi - 1993 yilning aprelidan iyunigacha jamoa ketma-ket olti uchrashuvda g‘alaba qozona olmagandi.
Opta xabariga ko‘ra, bu Angliyaning yirik xalqaro turnir oldidan g‘alabasiz davom etgan eng uzoq seriyasidir.
Angliya terma jamoasi 20 noyabrdan 18 dekabrga qadar Qatarda bo‘lib o‘tadigan JCH-2022da ishtirok etadi. Britaniyaliklar Eron, AQSH va Uels bilan birga B guruhidan joy olgan.