"Арсенал" ва Шотландия терма жамоаси ҳимоячиси Киран Тирни Миллатлар лигаси доирасида Ирландияга қарши ўйинда (2:1) жароҳат олиб, терма жамоани тарк этди.
“Ҳимоячимиз эҳтиёт чораси сифатида терма жамоа жойлашган жойдан қайтди. У Миллатлар лигаси доирасида Ирландияга қарши ўйинда бошидан жароҳат олди", - деди "канонирлар" матбуот хизмати.
Шотландия Миллатлар лигасининг B дивизиони 1-гуруҳида 5 турдан кейин 12 очко билан 1-ўринда бормоқда. Кейинги турда шотландлар 27 сентябрь куни Украинага қарши баҳс олиб боради.
