Англия терма жамоаси Миллатлар лигаси гуруҳ босқичининг олтинчи, сўнгги турида Германияга қарши ўйинда илк ғалабасини қўлга киритишга ҳаракат қилди. Аммо якунда дуранг қайд этилди.
Кейн учрашувдан сўнг ўйин ҳақида фикр билдирди.
"Мен жамоамиз билан фахрланаман. Биз ўзимизга киритилган биринчи голда хатога йўл қўйдик, шундан сўнг ўз руҳимизни ва мотивацияимизни кўрсатдик.
Бизга мухлислар ёрдам беришди, уларнинг қўллаб-қувватлаши, айниқса, стадионнинг ўзига хос хусусиятларидан келиб чиқиб, яққол сезилди. Ўйлайманки, иккинчи бўлимда сиз ҳақиқий Англияни кўрдингиз", - дея Кейннинг сўзларини келтиради BBC Sport.
