Венгрия терма жамоаси бош мураббийи Марко Росси Жанлуиджи Доннарумманинг ўйинидан ҳайратда қолди.
Айнан италиялик дарвозабон учрашувнинг асосий қаҳрамонларидан бирига айланиб, жамоасига ғалаба қозониш (2:0) ва Миллатлар лигасининг тўртлик финали йўлланмасини қўлга киритиш имконини берди.
"Доннарумма - дунёнинг энг яхши дарвозабони. У "ПСЖ"дек клубда ўйнаши ажаб эмас. Аммо ҳар қандай ҳолатда ҳам, бугун бизга омад етишмади", деди Росси.
Венгерлар дарвозага олтита зарба беришди, аммо олтита уринишнинг барчасини Жанлуижи Доннарумма қайтарди.
