"Бавария" ҳужумчиси Томас Мюллер ўз жамоасини "Реал"дан ўрнак олишга чақирди. Эслатиб ўтамиз, мюнхен клуби Бундеслигада 4та ўйиндан иборат ғалабасиз серия билан 5-ўринда бораётган бўлса, "қаймоқранглилар" чемпионатдаги барча 6та ўйинда ғалаба қозонишган.
"Балки "Реал" "Бавария"га ўрнак бўлиши керакдир. Ишлар яхши бўлмаган пайтларда бу клуб доимо камбек қилади ва фақат кучаяди. Биз ҳам шундай қилишга ҳаракат қиламиз", - деди Мюллер DW Sports немис нашрига берган интервьюсида.
Эслатиб ўтамиз, Мюллер жорий мавсум Германия Бундеслигасида битта гол урди ва иккита голли узатмани амалга оширди.
