"Барселона" бош мураббийи Хави раҳбариятга "Манчестер Сити" ярим ҳимоячиси Бернарду Силва 2023 йилнинг ёзида каталонияликлар жамоасига ўтишини исташини айтди, деб хабар беради Mundo Deportivo.
Манба берган хабарга кўра, "кўк-анорранглилар" раҳбарияти ҳам 28 ёшли португалияликни жамоада кўришни истайди.
Қайд этилишича, Хави "Барселона"дан позицион футбол тажрибасига эга, шунингдек, жамоага барқарорлик бера оладиган етук ярим ҳимоячи бўлишини истайди.
Шу билан бирга, янги футболчини қўлга киритиш учун Каталония клуби муҳим футболчилардан бирини сотиши керак бўлади.
Шунингдек, “шаҳарликлар” Бернардуни сотишга тайёр бўлган минимал сумма – 80 миллион евро эканлиги маълум қилинган. Бонуслар билан бу миқдор тахминан 100 миллион еврога етиши мумкин.
Силва ушбу мавсумда "Манчестер Сити" сафида барча турнирлар доирасида 10 та ўйинда майдонга тушиб, 2 та гол урди ва 3 та голли узатмани амалга оширди. Ярим ҳимоячининг клуб билан шартномаси 2025 йилнинг 30 июнига қадар мўлжалланган.
