"Интер" ҳимоячиси Дензел Дюмфрис "Челси" ва "Манчестер Юнайтед"нинг унга бўлган қизиқишига муносабат билдирди.
“Албатта, бу менга ёқади, лекин ҳозир бор эътиборим фақат “Интер”га қаратилган. Биз чемпионликни қўлга киритишни истаймиз, чунки ўтган мавсумда биз ундан бир қадам қолганда тўхтаганмиз. Чемпионлик учун курашда “Милан”дан учралган мағлубиятни эслаш ҳали ҳам аламли”, – деди Дюмфрис.
2022/23 йилги мавсумда ҳимоячи "Интер" сафида 9 та ўйинда 2 та гол урди ва 1 та голли узатмани амалга оширди. Transfermarkt.com портали 26 ёшли нидерландиялик футболчининг нархини 25 миллион еврога баҳоламоқда.
26 сентябрь, душанба куни “Челси” ва “Манчестер Юнайтед” футболчи учун 30 миллиондан 35 миллион еврогача таклиф қилишга тайёр экани хабар қилинганди.
