"Манчестер Юнайтед" ПСВ вингери Коди Гакпога қизиқишда давом этмоқда.

Forbes маълумотларига кўра, 23 ёшли футболчи ҳамон "Манчестер Юнайтед"нинг трансфер мақсадлари рўйхатида. Улар футболчи билан 2023 йилда шартнома имзоламоқчи.

Ўтган ёзда "Манчестер Юнайтед" Гакпони қўлга киритиш бўйича музокаралар олиб бораётган эди, бироқ келишув амалга ошмай қолди. Қайд этилишича, инглиз клуби Нидерландия терма жамоаси футболчиси билан шахсий шартнома шартларида келишиб олган, бироқ ПСВга расмий трансфер таклифи билан чиқмаган.

Трансфер ойнаси ёпилган куни Гакпога “Лидс” ва “Саутгемптон”дан таклифлар тушди, бироқ “Манчестер Юнайтед” яқин орада уни яна сотиб олишга уриниб кўришини ўйлаб, ПСВда қолишга қарор қилди.

Келаси йили Криштиану Роналду "МЮ"ни тарк этса, Гакпонинг трансфери эҳтимоли янада ортади. "Манчестер Юнайтед" ПСВ Коди учун музокараларда "Аякс" Антони бўйича музокаралар чоғида қилганидек, бундай тўсиқларни яратмаслигига ишонмоқда.

Аввалроқ ПСВ бош директори Марсел Брандс Гакпо футболчига ҳам, клубга ҳам мос келадиган таклиф тушса, уни қўйиб юборишга тайёрлигини айтганди.

Чап қанот ҳужумчиси жорий мавсумда ПСВ сафида барча турнирлар доирасида 13 ўйинда 10 та гол урди ва 9 та голли узатмани амалга оширди.