"Бавария"нинг собиқ футболчиси Лотар Маттеус Миллатлар лигаси доирасидаги Англия ва Германия терма жамоалари ўртасидаги (3:3) учрашувда ўйнаган ярим ҳимоячи Жамол Мусиаланинг ўйини ҳақида фикр билдирди.
“Луи ван Гал бир пайтлар “Мюллер доим ўйнайди” деган эди. Демак, бугунги кунда Мусиала мен учун ҳар доим асосий таркибда майдонга тушиши керак бўлган футболчидир", - деди Маттеус Bild билан суҳбатда.
Эслатиб ўтамиз, Мусиала 2019 йилда Лондоннинг "Челси" академиясидан "Бавария"га ўтган эди. Қисқа вақт ичида ярим ҳимоячи Мюнхен клуби асосий таркибига йўл олди ва жамоа билан бир нечта муҳим совринларни, жумладан, Чемпионлар лигасини ҳам қўлга киритишга муваффақ бўлди.
