16 октябрь, якшанба куни Европа топ чемпионатларида бирданига 4 та йирик учрашув бўлиб ўтади.
Германияда ҳозирда иккинчи бўлиб бораётган "Боруссия" чемпионатнинг амалдаги пешқадами "Унион" меҳмонига айланади - Берлиндаги учрашув Тошкент вақти билан 20:30да бошланади.
Шу билан бирга, "Ливерпуль" ва "Манчестер Сити" сўнгги йиллардаги АПЛнинг асосий қарама-қаршилигини давом эттиради - Пеп ва Клопп жамоалари "Энфилд"да тўқнашишади.
Кеча, 26 сентябрь душанба куни Ла Лига расмий саҳифаси жорий мавсумдаги илк класикони вақтини эълон қилди - "Сантьяго Бернабеу"да "Реал Мадрид" ва "Барселона" ўртасидаги учрашув соат 19:15да бошланади.
Франциядаги баҳс билан катта футбол оқшоми якунланади. Чемпионат пешқадами "ПСЖ" ўзининг энг ашаддий рақибларидан бири "Марсель"ни ўз майдонида қабул қилади, ўйин 23:45'да старт олади.
