27 сентябрдан 28 сентябрга ўтар кечаси Аргентина терма жамоаси Ямайка терма жамоасига қарши ўртоқлик учрашуви ўтказди. Лионель Скалони шогирдлари йирик 3:0 ҳисобида ғалаба қозонишди.
Қайд этиш жоиз, Аргентина терма жамоаси сўнгги 35 та ўйиндан бери барча турнирларда мағлубият аламини билмай келмоқда. Скалони шогирдларининг сўнгги мағлубияти 2019 йилнинг июль ойида Бразилиядан 0:2 ҳисобида қабул қилинган.
Аргентина Италиянинг 37 ўйинлик мағлубиятсиз рекордини такрорлашига икки ўйин қолди.
Қўшимча қиламизки, Қатардаги Жаҳон чемпионатида Аргентина терма жамоаси Саудия Арабистони, Польша ва Мексикага қарши бир гуруҳда майдонга тушади.
