"Интер" ҳимоячиси Милан Шкриньяр "нерадзуррилар" ўтган мавсумда А Серия чемпионлигини ҳимоя қила олмаганида, клубнинг кийиниш хонасидаги муҳит энг яхши бўлмаганини тан олди.
"Кийиниш хонасида жуда кўп ғазабландик, лекин биз ўзимизга иккита соврин ютганимизни ва келаси мавсумда Скудеттони олишимиз кераклигини айтдик. "Милан" билан дербида 70 дақиқа устунлик қилдик, аммо якунда мағлуб бўлдик. Мавсум якунида 5 та қийин учрашув қолганди ва улар ўша ўйинларнинг барчасида ғалаба қозониб, чемпионликни қўлга киритишди", — деди Шкриньяр DAZN нашрига интервьюсида.
Эслатиб ўтамиз, Шкриньяр қишда "ПСЖ"га ўтиши мумкин эди. Словакияликнинг шартномаси келаси ёзда тугайди.
