"Inter" himoyachisi Milan Shkrinyar "neradzurrilar" o‘tgan mavsumda A Seriya chempionligini himoya qila olmaganida, klubning kiyinish xonasidagi muhit eng yaxshi bo‘lmaganini tan oldi.
"Kiyinish xonasida juda ko‘p g‘azablandik, lekin biz o‘zimizga ikkita sovrin yutganimizni va kelasi mavsumda Skudettoni olishimiz kerakligini aytdik. "Milan" bilan derbida 70 daqiqa ustunlik qildik, ammo yakunda mag‘lub bo‘ldik. Mavsum yakunida 5 ta qiyin uchrashuv qolgandi va ular o‘sha o‘yinlarning barchasida g‘alaba qozonib, chempionlikni qo‘lga kiritishdi", — dedi Shkrinyar DAZN nashriga intervyusida.
Eslatib o‘tamiz, Shkrinyar qishda "PSJ"ga o‘tishi mumkin edi. Slovakiyalikning shartnomasi kelasi yozda tugaydi.
