Дания терма жамоаси Қатардаги Жаҳон чемпионатида қандай либосларда ўйнаши маълум бўлди. Унга кўра, терма жамоа бутунлай қизил кийимда майдонда тушади. Унда Даниянинг футбол рамзлари деярли кўзга ташланмайди.

Жамоанинг меҳмон (oқ) ҳамда учинчи рақамли (қора) либослари ҳам шу кўринишда бўлади. Бунга асосий сабаб Қатарга норозилик изҳор этиш.

Негаки, мезбон давлат турнирга тайёргарлик кўришда мигрантлардан арзон ишчи кучи сифатида фойдаланган ва кўплаб инсонларнинг ҳаётдан бевақт кўз юмишига сабабчи бўлган. Эслатиб ўтамиз, Даниянинг либоси "Hummel" компанияси томонидан тайёрланади.