Дортмунднинг "Боруссия" клуби ўз ярим ҳимоячиси Жуд Беллингем учун нарх белгилашга шошилмаяпти. Журналист Фабрицио Романонинг сўзларига кўра, “арилар” Қатардаги Жаҳон чемпионатидан сўнг ўз футболчисига нарх белгилайди.
Аввалроқ, Дортмунднинг "Боруссия" жамоаси келаси ёзда Беллингем учун 150 миллион евро талаб қилиши, бу эса ярим ҳимоячини Неймар ва Килиан Мбаппедан кейин тарихдаги учинчи энг қиммат футболчига айлантириши ҳақида миш-мишлар тарқалган эди.
Жуд учун "Реал", "Ливерпуль", "Манчестер Сити", "Челси" ва "Манчестер Юнайтед" каби клублар кураш олиб боради.