"Бавария" бош мураббийи Юлиан Нагельсманн Германия чемпионатининг 8-туридан ўрин олган "Байер" жамоасига қарши бўлиб ўтадиган ўйиндан олдинги фикрлари билан ўртоқлашди.
“Леверкузенда қийин спорт вазияти бор, лекин жамоада яхши ўйин, яхши футбол ёндашуви, жуда яхши индивидуал футболчилар ва ажойиб мураббий бор. Жадвалда бошқача айтилган бўлса ҳам, бу қизиқарли ўйин бўлади", - деди Нагельсманн клуби матбуот хизматига.
“Унион” Германия чемпионатида етти турдан кейин пешқадамлик қилмоқда. Германия пойтахти жамоаси мамлакат чемпионатида 17 очко жамғарган. Бундеслиганинг амалдаги ғолиби "Бавария" ҳисобланади. Айни дамда Юлиан Нагельсманн шогирдлари Германия миллий чемпионатида бешинчи ўринни эгаллаб туришибди. Леверкузенликлар мусобақада 15-ўринда бормоқда.
