"МЮ" ҳужумчиси Маркус Рэшфорд Премьер-лиганинг сентябрь ойидаги энг яхши футболчиси деб топилди.

Ҳужумчи сентябрь ойида "Манчестер Юнайтед" сафида иккита ўйинда иккита гол урди ва иккита голли узатмани амалга оширди.

“Сентябрь ойидаги энг севимли лаҳзам - бу ассистентлик, ростини айтсам! Бу Антонининг дебютдаги биринчи голи. Бизга куч ва жасорат берган энг муҳим дақиқа. Антони жамоага илк бор келганида гол уриш жуда муҳим эди”, - дейди Рэшфорд.

Рэшфорд ўз фаолиятида иккинчи марта Премьер-лигада ойнинг энг яхши футболчиси совринини қўлга киритди. Охирги марта бу 2019 йилнинг январида содир бўлган.

Шунингдек, мукофот учун Кевин де Брюйне («Манчестер Сити»), Пьер-Эмиль Хейбьерг («Тоттенхэм»), Филип Биллинг («Борнмут»), Алекс Ивоби («Эвертон») ва Джейкоб Рэмзи («Астон Вилла») даъвогарлик қилганди.