"Мальорка" бош мураббийи Хавьер Агирре Ла Лига 7-туридан ўрин олган "Барселона"га қарши ўйин олдидан ўз фикрлари билан ўртоқлашди.
"Мен эртанги ўйинда "Барселона"ни яққол фаворит деб билмоқдаман. Тўғри, ФИФА кунларида жамоа улкан йўқотишларга учради, лекин шунга қарамай "Барса"нинг захира ўриндиғидаги футболчилари ҳам кўплаб жамоаларнинг асосий таркибидан кучлироқ деб биламан. Шунинг учун ҳам эртага бизга осон бўлмайди. Рақибга ҳурмат сақлаган ҳолда шуни айтишим мумкинки, биз эртага фақат ва фақат ғалаба учун майдонга чиқамиз", - деди Агирре.
Эслатиб ўтамиз, баҳс 1 октябрь куни Тошкент вақти билан 23:59'да старт олади.