Хорватия терма жамоасига янги бош мураббий этиб Игор Штимац тайинлангани сайтимиз орқали хабар бериб ўтдик. Ушбу тайинлов ҳақида Штимацнинг ўзи УЕФА расмий сайтига қуйидаги фикларни билдириб ўтди.
"Мен Славен Билич ва футболчиларнинг Европа чемпионатида амалга оширган ишларидан фахрланаман. Улар жуда катта таассурот қолдиришди. Яна икки йилдан сўнг Бразилияда катта футбол фестивали ўтказилади ва ишонтириб айтманки Хорватия ҳам у ерда бўлади. Ушбу воқеанинг амалга ошиши учун барча имкониятларимни ишга соламан".
Эслатиб ўтамиз, Штимац Хорватия терма жамоаси сафида 53 марта майдонга тушган ва ҳимоячи амплуасида ҳаракат қилган. Францияда ўтган 1998 йилги жаҳон чемпионатида Хорватия терма жамоасининг бронза мудалларини қўлга киритишида жонбозлик кўрсатган футболчилардан бири.