14 йиллик бошқарувдан сўнг истеъфога чиққан Хорватия футбол федерацияисининг эндиликда собиқ раҳбари Влатко Маркович ўрнига Хорватия футболи фахрийларидан бири Давор Шукер Хорватия футбол федерациясининг президенти этиб тайинланди.
Ушбу тайинлов ҳақида Давор Шукер ўз фикрларни билдириб ўтди.
"Ишонч билдирганингиз учун барчангизга раҳмат. Мен мураббийим ҳамда федерация президенти Влатко Марковичнинг ишини давом эттиришдан бахтиёрман ва мен ҳам унинг даражасига чиқа олишимга умид қиламан" деди Шукер матбуот анжуманида.
Эслатиб ўтамиз, Шукер Франция майдонларида ўтган жаҳон чемпионатининг тўпурари бўлган ва терма жамоа сафида 69 марта майдонга тушиб, рақиблар дарвозасига 45 та гол уришга муваффақ бўлган.
