"Челси" раҳбарияти ҳали ҳам клубга спорт директори изламоқда. "Аристократлар" ҳозирда "Байер"да ишлаётган Тим Штайдтенни ажойиб номзод сифатида кўрмоқда, деб хабар беради Sky Sports.
Лондонликлар аллақачон менежер билан боғланишган. Штайдтен Каллум Хадсон-Одоининг ижара бўйича музокараларидан сўнг "Челси"ни ҳайратда қолдирди.
43 ёшли Тим Штайдтен 2006 йилдан 2019 йилгача Бременнинг “Вердер” клубида ишлаган. Дастлаб у скаутлик лавозимини эгаллаган, кейин эса скаут бўлими бошлиғи бўлган. 2019 йилнинг ёзидан бошлаб у "Байер"да ишлаб келмоқда.
Олдинроқ "Зальцбург" спорт директори Кристофер Фройнд "Челси"да ишлашдан бош тортган эди.
