"ПСЖ" бош мураббийи Кристофф Галтье "Ницца"га қарши бўлиб ўтадиган ўйин ҳақида гапирди.
"Бизни жуда муҳим ўйин кутиб турибди. "Ницца"да кучли футболчилар бор ва улар ҳужумда яхши танланган", - деди мураббий клуб матбуот анжуманида.
Галтье ҳам “бургутлар” устози Люсен Фаврни қўллаб-қувватлаб, мутахассисга вақт бериш кераклигини таъкидлади. "ПСЖ" устозининг сўзларига кўра, "Ницца"да янги босқичга чиқиш учун ҳамма нарса бор.
Эслатиб ўтамиз, ўтган мавсумда Галтье Франция жанубидаги клубни бошқарган эди. Кристофф бошчилигида “бургутлар” кубок финалига қадар етиб бориб, “Нант”га имкониятни бой беришганди.
Жорий мавсумда "ПСЖ" Лига 1 ўйинларида 22 очко жамғарган бўлса, “Ницца” 8 очко билан 13-ўринда бормоқда. Ўйин бугун Тошкент вақти билан 00:00да бошланади.
