OLAM.uz Портали Ўзбекистон телевидениесидаги энг яхши футбол ўйинлари шарҳловчисини аниқлаш бўйича сўровномага якун ясади.
Сўровнома натижаларига кўра, фойдаланувчиларнинг катта қисми – 33,92% (269 киши) - футбол шарҳловчиси Мирзаҳаким Тўхтамирзаевга ўз овозини берди.
Респондентларнинг 26,99 фоизи (214 киши) Даврон Файзиевни энг яхши футбол шарҳловчиси сифатида эътироф этишди. Яна 210 нафар фойдаланувчи ёки сўровномада қатнашганларнинг 26,48 фоизи Давлат Турдиалиевга овоз берди. Шу тарзда биринчи учталик қолганлардан катта фарқ билан олдинга чиқиб олди.
Етакчи учталикдан кейин рейтингда “Менга ҳеч бири ёқмайди” деган жавоб варианти ўрин олди. Бу билан респондентларнинг 5,67 фоизи (45 киши) Ўзбекистон телевидениесидаги футбол шарҳловчиларининг ҳеч бири ёқмаслигини билдирди.
Қолган жавоб вариантлари орада катта фарқ билан ортда қолиб кетди.
Шундай қилиб, 2012 йилнинг 6 июль ҳолатига кўра, ўзбек футбол шарҳловчиларининг рейтинги қуйидагича:
Мирзаҳаким Тўхтамирзаев - 33.92% (269)
Даврон Файзиев - 26.99% (214)
Давлат Турдиалиев - 26.48% (210)
Менга ҳеч бири ёқмайди - 5.67% (45)
Зафар Имомхўжаев - 2.14% (17)
Менга фарқи йўқ - 1.78% (15)
Менга ҳаммаси ёқади - 1.01% (8)
Мурод Ризаев - 0.76% (6)
Дилшодбек Тўхтабеков - 0.50% (4)
Умид Рўзиев - 0.50% (4)
Тўлқин Бакирхўжаев - 0.25% (2)
Сўровномада жами 793 киши иштирок этди.
