Германия Бундеслигасининг саккизинчи туридан ўрин олган учрашувда “Лейпциг” ўз майдонида “Бохум”ни қабул қилди. “Буқалар” 4:0 ҳисобида ишончли ғалабани тантана қилишди. Тимо Вернер иккита гол урди.

OptaFranz портали хабарига кўра, 26 ёшли ҳужумчи "Лейпциг" тарихида жамоа сафида 100 та гол урган биринчи футболчи бўлди.

Тимо ёзда немис клубига қайтган эди. У Лондоннинг “Челси” клубидан 20 миллион еврога сотиб олинган. Вернер "буқалар" билан 2026 йилнинг ўрталарига қадар мўлжалланган узоқ муддатли шартномаси тузди.

Ҳужумчи Бундеслиганинг жорий мавсумида 7 та ўйинда майдонга тушиб, 3 та гол урди ва битта голли узатмани амалга оширди.