Germaniya Bundesligasining sakkizinchi turidan o‘rin olgan uchrashuvda “Leypsig” o‘z maydonida “Boxum”ni qabul qildi. “Buqalar” 4:0 hisobida ishonchli g‘alabani tantana qilishdi. Timo Verner ikkita gol urdi.

OptaFranz portali xabariga ko‘ra, 26 yoshli hujumchi "Leypsig" tarixida jamoa safida 100 ta gol urgan birinchi futbolchi bo‘ldi.

Timo yozda nemis klubiga qaytgan edi. U Londonning “Chelsi” klubidan 20 million yevroga sotib olingan. Verner "buqalar" bilan 2026 yilning o‘rtalariga qadar mo‘ljallangan uzoq muddatli shartnomasi tuzdi.

Hujumchi Bundesliganing joriy mavsumida 7 ta o‘yinda maydonga tushib, 3 ta gol urdi va bitta golli uzatmani amalga oshirdi.