Англиянинг "Вулверхэмптон" жамоасида тўп сураётган португалиялик ярим ҳимоячи Рубен Невешга АПЛнинг яна иккита топ-клуби қизиқиш билдирмоқда.
Express нашрига маълум қилишча, 25 ёшли футболчи учун курашга "Ливерпуль" ва "Манчестер Юнайтед" клублари қўшилган. Таянч ярим ҳимоячисининг "бўрилар" билан шартномаси 2024 йилнинг ўрталарига қадар тузилган. Рубеннинг трансфер нархи 40 миллион еврога баҳоланмоқда.
АПЛнинг жорий мавсумида Невеш саккизта учрашувда қатнашиб, битта гол урди ва битта голли узатмани амалга оширди.
Эслатиб ўтамиз, аввалроқ "Барселона" ва "Арсенал" ушбу футболчига қизиқиш билдираётгани ҳақида хабарлар пайдо бўлганди.
