Франция футбол Федерацияси мамлакат терма жамоаси бош мураббий лавозимига Дидье Дешамни сайлаганини бугун расман эълон қилди. Эртага янги бош мураббий билан матбуот анжумани бўлиб ўтади ва унда Дидье Дешам расмий равишда оммага таништирилади, дейилади ФФФ расмий сайтида.
Эслатиб ўтиш жоиз, Дидье Дешам шу кунгача "Марсель" клубига устозлик қилиб келган эди, аммо мавсум якунига етиши билан жамоани тарк этганди.
43 ёшли мутахассиснинг Франция терма жамоаси билан неча йиллик шартнома имзолагани ҳозирча расман эълон қилингани йўқ. Аммо, мамлакатнинг етакчи футбол нашри L'Equipe Франция Футбол Федерациясидаги ишончли манбаага таянган ҳолда, Дешамнинг 2 йиллик шартномага имзо чеккани тўғрисидаа хабар тарқатмоқда.