"Вест Хэм"дан учралган мағлубият (0:2)нинг эртасига “Вулверхэмптон” Бруно Лажени жамоа бош мураббийлигидан истеъфога чиқаришга қарор қилди. Бу ҳақда инглиз клуби матбуот хизмати хабар бермоқда.
"Биз Бруно ва унинг ходимларига клубда ишлаган вақтларидаги барча саъй-ҳаракатлари учун миннатдорчилик билдирамиз ва уларга энг яхши тилакларимизни билдирамиз", - дейилади "Бўрилар" баёнотида.
"Вулверхэмптон" ҳозирда АПЛ турнир жадвалида 18-поғонада бормоқда. Жорий чемпионатнинг саккиз учрашувида “бўрилар” бор-йўғи олти очко тўплашди.
"Вулверхэмптон" навбатдаги Премьер-лига ўйинини 8 октябрь куни "Челси"га қарши сафарда ўтказади.
