"Манчестер Юнайтед" ҳужумчиси Антони Марсьяль фаолиятини Испания чемпионатида давом эттириши мумкин. Mundo Deportivo хабарига кўра, 26 ёшли франциялик футболчига "Севилья" ва "Валенсия" клублари қизиқиш билдирмоқда.
Эслатиб ўтамиз, Антони Марсьяль 2021/2022 йилги мавсумнинг иккинчи қисмини “Севилья”да ижара асосида ўтказган. Эндиликда Андалусия клуби франциялик ҳужумчига доимий шартнома таклиф қилишга тайёр.
Марсьяль жорий мавсумда “Манчестер Юнайтед” сафида АПЛда иккита ўйин ўтказиб, иккита гол урди ва битта голли узатмани амалга оширди.
Transfermarkt портали 26 ёшли футболчининг нархини 16 миллион еврога баҳоламоқда.