Саккиз турдан кейин “Аталанта” йигирма очкога эга ва бу жамоа тарихидаги энг яхши стартдир. Жамоа сўнгги саккизта ўйинда атиги учта гол ўтказиб юборган ва мағлуб бўлмаган. Клуб устози бу натижадан фахрланишини айтди.
"Биз етакчи бўламиз деб ўйламагандик. Мен ҳимоямиз билан фахрланаман", - деди Гасперини ТМW нашрига.
Саккизинчи турда “Аталанта” “Фиорентина”ни минимал устунлик билан мағлуб этди, тўққизинчи турда эса мавсумни яхши бошлаган бошқа жамоа – “Удинезе” билан курашиши керак бўлади. Ушбу учрашув 9 октябрь куни бўлиб ўтади.
