"Вулверхэмптон" янги бош мураббийи сифатида Хулен Лопетегини кўриб чиқмоқда.
2 октябрь куни Англия клуби АПЛ доирасидаги ўйинда “Вест Хэм”дан учралган мағлубиятдан сўнг (0:2) Бруно Лажени истеъфога чиқарганини расман эълон қилди.
"Бўрилар" раҳбарияти аллақачон янги бошқарувчи излаш билан банд, номзодлар рўйхатида эса "Севилья"нинг амалдаги устози Хулен Лопетеги пайдо бўлган. Испаниялик яқин вақт ичида ҳозирги ишидан айрилиши мумкин, чунки андалусияликлар мавсумни жуда омадсиз бошлади.
Ла Лиганинг етти туридан кейин “Севилья” бор-йўғи 5 очко ва битта ғалаба билан турнир жадвалида 17-ўринда бормоқда. "Вулверхэмптон" ҳам худди шундай ҳолатда: олти очко тўплаган ва саккиз турдан кейин АПЛда 18-ўринда.
