Лондоннинг "Челси" клуби вингери Кристиан Пулишич ёзги трансфер ойнасида клубини ўзгартириши мумкин эди. Give me Sport хабарига кўра, "Ньюкасл" америкалик футболчини ўз сафига қўшиб олмоқчи эди, аммо келишув амалга ошмади. Томонлар ўтиш шартлари бўйича келиша олмадилар.
Пулишич 2019 йилнинг январидан бери "пенсионерлар" сафида ўйнамоқда. У Дортмунднинг "Боруссия"сидан Лондоннинг топ-клубига ўтган. Кристианнинг "Челси" билан шартномаси 2024 йилнинг ўрталарига қадар амал қилади.
Ярим ҳимоячи жорий мавсум Англия Премьер-лигасида 7 та ўйинда майдонга тушиб, битта голли узатмани амалга оширди ва битта сариқ карточка олди.