"Манчестер Сити" ярим ҳимоячиси Кевин Де Брюйне голли узатма бериш бўйича клубнинг собиқ футболчиси Давид Силванинг рекордини ортда қолдирди, деб хабар беради Sky Sports.
Кеча "Манчестер Юнайтед"га қарши ўйинда (6:3) бельгиялик футболчи иккита голли узатмани амалга оширган бўлса, эндиликда у Премьер-лиганинг 218та учрашувида 94та голли узатмага эга. Шу тариқа, ярим ҳимоячи аввалроқ Давид Силвага тегишли бўлган клуб учун голли узатмалар сони бўйича рекордни ортда қолдирди. Испаниялик футболчи ҳисобида 93 та голли узатма бор. Этиборлиси, бельгиялик Силвадан 91 та кам ўйин ўтказган.
Премьер-лиганинг жорий мавсумининг саккиз туридан сўнг, Де Брюйне клуб сафида битта гол ва саккизта голли узатмани амалга оширди.
