"Manchester Siti" yarim himoyachisi Kevin De Bryuyne golli uzatma berish bo‘yicha klubning sobiq futbolchisi David Silvaning rekordini ortda qoldirdi, deb xabar beradi Sky Sports.
Kecha "Manchester Yunayted"ga qarshi o‘yinda (6:3) belgiyalik futbolchi ikkita golli uzatmani amalga oshirgan bo‘lsa, endilikda u Premyer-liganing 218ta uchrashuvida 94ta golli uzatmaga ega. Shu tariqa, yarim himoyachi avvalroq David Silvaga tegishli bo‘lgan klub uchun golli uzatmalar soni bo‘yicha rekordni ortda qoldirdi. Ispaniyalik futbolchi hisobida 93 ta golli uzatma bor. Etiborlisi, belgiyalik Silvadan 91 ta kam o‘yin o‘tkazgan.
Premyer-liganing joriy mavsumining sakkiz turidan so‘ng, De Bryuyne klub safida bitta gol va sakkizta golli uzatmani amalga oshirdi.
