"Ливерпуль" бош мураббийи Юрген Клопп ҳужумчи Дарвин Нуньеснинг Премьер-лига жорий мавсумидаги ўйини ҳақида фикр билдирди.
"Биз Нуньесга вақт беришимиз керак, у ҳали ҳам мослашиб бормоқда. Бизнинг вазиятимизда унинг ташвишланмаслиги жуда муҳим. Янги ўйинчилар келяпти ва биз уларнинг дарҳол порлашини истаймиз, лекин биз хотиржам бўлишимиз керак", - деди Клопп.
2022/23 йилги мавсумда Нуньес Премьер-лигада "Ливерпуль" сафида 4 та ўйинда майдонга тушиб, битта гол урди ва битта голли узатмани амалга оширди. 23 ёшли футболчи шунингдек битта қизил карточка олди.
