"Милан" ҳужумчиси Дивок Ориги Чемпионлар лигаси гуруҳ босқичининг "Челси"га қарши ўйинида майдонга тушиш имкониятига эга.
Calciomercato хабарига кўра, душанба куни бельгиялик ҳужумчи бутун машғулотни жамоа билан ўтказган.
Охирги марта Дивок Ориги деярли бир ой олдин майдонга қадам қўйган эди. Ўшанда 27 ёшли футболчи мушакларидаги муаммолардан тузалиш арафасида эди.
Дивок Ориги "Милан" сафида атиги тўртта ўйин ўтказа олди. Бельгиялик футболчи 81 дақиқани майдонда ўтказди, аммо унумли ҳаракатлари билан ажралиб турмади.
Эслатиб ўтамиз, ёзги трансфер ойнасида Дивок Ориги эркин агент сифатида "Милан"га ўтганди.