"Milan" hujumchisi Divok Origi Chempionlar ligasi guruh bosqichining "Chelsi"ga qarshi o‘yinida maydonga tushish imkoniyatiga ega.
Calciomercato xabariga ko‘ra, dushanba kuni belgiyalik hujumchi butun mashg‘ulotni jamoa bilan o‘tkazgan.
Oxirgi marta Divok Origi deyarli bir oy oldin maydonga qadam qo‘ygan edi. O‘shanda 27 yoshli futbolchi mushaklaridagi muammolardan tuzalish arafasida edi.
Divok Origi "Milan" safida atigi to‘rtta o‘yin o‘tkaza oldi. Belgiyalik futbolchi 81 daqiqani maydonda o‘tkazdi, ammo unumli harakatlari bilan ajralib turmadi.
Eslatib o‘tamiz, yozgi transfer oynasida Divok Origi erkin agent sifatida "Milan"ga o‘tgandi.