"Манчестер Сити" бош мураббийи Роберто Манчини клуб билан шартномасини 5 йилга узайтирганини шарҳлаб ўтди.
"Олдинда турган 5 йилни "Манчестер Сити" учун бағишлаётганимдан хурсандман. Қўлга киритилган ютуқларга таяниб, янги-янги нарсаларни қуришга имконият туғилмоқда.
"Манчестер Сити" - ҳар томонлама фантастик клуб. Бошқарув раиси ва раҳбариятдан тортиб, ўйинчилар, ишчилар ва мухлисларгача", - дея Манчинининг сўзларини келтиради "шаҳарликлар" расмий сайти.
Эслатиб ўтамиз, олдинроқ рус матбуотида Манчинининг Россия терма жамоасини бошқариши мумкинлиги тўғрисида хабарлар тарқалган эди.
