Лондоннинг "Арсенал" клуби 2022/2023 йилги мавсумнинг яхши бошланишидан фойдаланиб, ёш юлдузлари билан шартномаларни узайтирмоқчи. Гап Букайо Сака, Габриэль Мартинелли ва Уильям Салиба билан ҳамкорликни узайтириш ҳақида кетмоқда, деб хабар беради Daily Mail.
Манба берган хабарга кўра, "канонирлар" қишки трансфер ойнасида янги марказий ярим ҳимоячини ҳам қўлга киритиш ниятида. Клуб Англия Премьер-лиганинг бутун мавсуми давомида рақобатбардош бўлиб қолиш учун яхши захира яратмоқчи.
Айни дамда “Арсенал” 8 турдан кейин 21 очко жамғарган ҳолда АПЛда пешқадамлик қилмоқда. “Манчестер Сити” эса бир очко кам жамғарган ҳолда иккинчи ўринда бормоқда. Кучли учликни 17 очко билан "Тоттенхэм" якунлаб турибди.
